Minisitiri w’Abakozi ba Leta n’Umurimo yasabye umukozi wa Leta wese gukomeza ubutwari ,binyuze mu gutanga umusaruro uhagije mu kazi ashinzwe

Kuwa 24 Mutarama 2018, Abakozi ba Minisiteri y’abakozi ba Leta n’umurimo ndetse n’abakozi b’Inzego za Leta ziyishamikiyeho zirimo Rwanda Management Institute (RMI) na Capacity Development and Employment Services Board (CESB), basuye Ingoro y'Umurage y'Amateka y'Urugamba rwo Guhagarika Jenoside iherereye ku Nteko Ishinga Amategeko ku Kimihurura, nyuma yaho bagira ibiganiro ku mateka y’ubutwari; ibiganiro byabereye kuri Hilltop Hotel I Remera.

Minisitiri w’Abakozi ba Leta n’Umurimo yasabye abakozi bose bitabiriye icyo kiganiro kivuga ku mateka y’Intwari z’u Rwanda, kwibaza icyo bagomba guhindura mu mikorere yabo mu rwego rwo gukomeza guharanira inyungu rusange.

Minisitiri Rwanyindo Kayirangwa Fanfan yabwiye abitabiriye ikiganiro ko yizeye ko basobanukiwe byinshi nyuma yo gusura Ingoro y'Umurage y'Amateka y'Urugamba rwo Guhagarika Jenoside nyuma yo guhabwa ibisobanuro birambuye, ndetse aboneraho kubasaba kurushaho gukora cyane bibanda ku nyungu rusange.

Yagize ati: “Hari ibisobanuro twahawe ariko hari byinshi twiboneye, twabonye uruhare rwa RPF n’uruhare rw’abaturage mu kurokora abahigwaga no kubohora u Rwanda; bagize uruhare rukomeye ndetse baritanga, ntabwo bakunze ubuzima bwabo ahubwo barebye inyungu rusange n’icyateza imbere abanyarwanda, nibyo tubasaba namwe nk’abakozi ba Leta, murebe inyungu rusange ndetse gutanga serivisi nziza mubigire ihame.”

Rwaka Nicolas, Umuyobozi Ushinzwe Ubushakashatsi mu Rwego rushinzwe Intwari z’Igihugu, Imidari n’Impeta by’Ishimwe yasobanuriye abitabiriye ibiganiro ko ubutwari buharanirwa kandi ko buri wese ubishaka yabigeraho.

Yashishikarije abitabiriye ibiganiro guharanira kuba intwari bakora ibyo bashinzwe neza.

Icyumweru cy’ubutwari cyatangiye tariki 24 kugeza 31 Mutarama 2018. Umunsi Mukuru w’Intwari z’Igihugu uzizihizwa ku nshuro ya 24 tariki ya 01 Gashyantare 2018 ku Nsanganyamatsiko igira iti: “Dukomeze ubutwari, twubake u Rwanda twifuza.”

Botswana Delegation Pays Courtesy Visit to MIFOTRA

Minister Judith Uwizeye receives Amy pope, the Director general of the international organization for migration.

MIFOTRA and NPSC Discuss measures to Strengthen Public Service Management

MIFOTRA Concludes SDEP Training to Strengthen Employment and Career Guidance Services

MIFOTRA Hosts Career Fair to Link Diaspora Youth with Employment and Skills Opportunities in Rwanda

Ministry of Public Service and Labour Holds Ministerial Handover Ceremony

Minister Nkulikiyinka Presents Rwanda’s Vision on Artificial Intelligence and the Future of Work at the 114th International Labour Conference

Labour Day 2026: Rwanda marks International Labour Day under the theme “Partnering for Skills, Powering Job Creation, and Fostering Local Economic Resilience.”

Minister Christine Nkulikiyinka Leads National Observance of World Day for Safety and Health at Work 2026