Minisitiri w’Abakozi ba Leta n’Umurimo yifatanyije n’abatuye Nyarugenge mu gutangiza igikorwa cyo kubaka amashuri mashya

Kuri uyu wa gatandatu tariki 16 Nzeli 2017, Minisitiri w’Abakozi ba Leta n’Umurimo; Rwanyindo Kayirangwa Fanfan, yifatanyije n’abatuye Akarere ka Nyarugenge mu gikorwa cyo gusiza ahazubakwa amashuri mashya asimbura ayari ashaje, ndetse no gusiza ahazubakwa ubwiherero.

Icyo gikorwa cyabereye mu bice bitandukanye by’Akarere ka Nyarugenge, aho abayobozi batandukanye barimo ab’inzego z’ibanze, iz’umutekano ndetse n’abaturage bifatanyije na Minisitiri w’Abakozi ba Leta n’Umurimo gukora uwo muganda udasanzwe wabaye kuri uwo munsi.

Gusiza ahazubakwa amashuri n’ubwiherero byabereye muri site 9 z’Akarere ka Nyarugenge mu buryo bukurikira:

1. Site ya Muhima Abaturage bashije ahazubakwa ubwiherero 12,

2. Site ya Kimisagara hacukuwe imisingi ya fondasiyo,

3. Site ya Kabusunzu abaturage basenye amashuli ashaje basiza ahazubakwa amashuri mashya,

4. Site ya Kivugiza hasenywe amashuli ashaje urubyiruko rwa St Joseph rwafatanyije n'abaturage ba Kivugiza,

5. Site ya Nyarugenge muri uwo muganda udasanzwe, abaturage bawitabiriye ari benshi ariko bagira imbogamizi yo gucukura ahantu hakomeye, abaturage biyemeje kwishakamo ubushobozi bakazashaka imashini isiza ikibanza,

6. Site ya Burema Mageragere , abaturage bashije ahazubakwa amashuri,

7. Site ya Buye Mageragere abaturage bitabiriye basiza ahazubakwa ibyumba by'amashuri,

8. Site ya Karama yatunganyije ahazubakwa ubwiherero 12,

9. Site ya Kigali ari naho hatangirijwe iki igikorwa, hashijwe ikibanza aho amashuri azubakwa muri GS Kigali. Nyuma yaho imashini yakomeje kuringaniza ubutaka busigaye.

Iki nicyo gikorwa cya mbere Minisitiri w’Abakozi ba Leta n’Umurimo; Rwanyindo Kayirangwa Fanfan akoreye mu Karere ka Nyarugenge, nyuma y’aho Nyakubahwa Minisitiri w’Intebe ahaye Abaminisitiri kugira Uturere bakurikirana ndetse bakadufasha kutugira inama mu kwihutisha ishyirwa mu bikorwa rya gahunda za Leta.

Labour Day 2026: Rwanda marks International Labour Day under the theme “Partnering for Skills, Powering Job Creation, and Fostering Local Economic Resilience.”

Minister Christine Nkulikiyinka Leads National Observance of World Day for Safety and Health at Work 2026

MIFOTRA and UNITAR to collaborate in capacity building and skills development

Imyanzuro yafatiwe mu nama nyunguranabitekerezo ku ihangwa ry'umurimo mu ntara zose

Minister Nkulikiyinka Highlights Rwanda’s Achievements at 20th ILO Regional Conference in Addis Ababa

Labour day 2025: Government, Private, academia and development partners reflected on Job Creation as a shared priority

Umunsi mpuzamahanga w’ubuzima n’umutekano mu kazi (OSH) wizihirijwe i rwamagana

KWIBUKA 31: Minisitiri Nkulikiyinka yifatanyije n'abarokokeye mu Ntara y'Iburasirazuba mu gikorwa cyo kwibuka

MIFOTRA LAUNCHES CHILD LABOUR CASE MANAGEMENT FRAMEWORK TO STRENGTHEN CHILD PROTECTION AGAINST CHILD LABOUR