Urubyiruko rurangije amasomo y’imyuga Iwawa rwiyemeje kuba Intangarugero muri sosiyete

Kuwa gatanu tariki 08 Nzeli 2017, abasore 1,127 basoje amasomo yabo mu kigo Ngororamuco Giteza Imbere Imyuga cy’Iwawa (Iwawa Rehabilitation and Vocational Skills Development Centre /IRVSDC), giherereye mu Karere ka Rutsiro, mu Ntara y’Iburengerazuba, bahawe impamyabumenyi zigaragaza ko basoje ayo masomo ndetse bemererwa gusubira mu miryango iwabo nyuma y’umwaka bari Iwawa bagororwa ndetse bigishwa imyuga.

Uwo muhango wo gutanga impamyabumenyi ku basore barangije Iwawa, wari witabiriwe n’abayobozi bakuru barimo Minisitiri w’Urubyiruko Rosemary Mbabazi wari n’umushyitsi mukuru, Evode Uwizeyimana; Umunyamabanga wa Leta muri Minisiteri y’ubutabera ushinzwe Itegekonshinga n’andi mategeko, ndetse n’abandi bayobozi bakuru batandukanye.

Urubyiruko rutandukanye rurangije muri iki kigo, mu butumwa rwatanze, rwavuze ko mu gihe bamaze Iwawa bahungukiye byinshi mu myuga biga itandukanye, bavuga ko kandi baretse ibiyobyabwenge burundu, ubu bagiye gusubira aho bari batuye bakaba urugero rwiza ku bo bahasanze.

Uru rubyiruko kandi rwavuze ko ruzaba ijisho rya polisi mu gukumira ibiyobyabwenge, bakajya batangaza aho bigaragara hose kugira ngo ababicuruza bafatwe bahanwe.

Mahoro Nicholas; umuhuzabikorwa w’iki kigo ngororamuco kigisha imyuga, mu ijambo rye yashimye Leta y’u Rwanda ku nkunga itanga ifasha uru rubyiruko rwari rwarabatswe n’ibiyobyabwenge, anavuga ko urubyiruko rufashwe neza rubyazwa umusaruro ubukungu bw’igihugu bukazamuka.

Minisitiri w’urubyiruko Mbabazi Rosemary nawe yashimye imiyoborere myiza irangajwe imbere na Nyakubahwa Paul Kagame; Perezida wa Repubulika, kuko iteza imbere urubyiruko, yongera no kumushima kuko yashyizeho Minisiteri yihariye y’urubyiruko.

Minisitiri w’urubyiruko yongeye gusaba inzego z’umutekano gukumira ibiyobyabwenge ndetse no guhana by’intangarugero ababigurisha, kuko bisubiza igihugu inyuma cyane cyane ko amafranga ashorwa mu rubyiruko rwabatswe n’ibiyobyabwenge Iwawa yakabaye akoreshwa ibindi.

Kuva Ikigo cy’Iwawa cyatangira muri 2010 abasore basaga 12,127 basoje amasomo yabo muri iki kigo ndetse basubizwa mu buzima busanzwe.

Kugeza ubu Iwawa abasore bahari bigishwa imyuga itandukanye irimo ubudozi, ububaji, kubaka, guhinga, kwikorera no gutwara ibinyabiziga.

Botswana Delegation Pays Courtesy Visit to MIFOTRA

Minister Judith Uwizeye receives Amy pope, the Director general of the international organization for migration.

MIFOTRA and NPSC Discuss measures to Strengthen Public Service Management

MIFOTRA Concludes SDEP Training to Strengthen Employment and Career Guidance Services

MIFOTRA Hosts Career Fair to Link Diaspora Youth with Employment and Skills Opportunities in Rwanda

Ministry of Public Service and Labour Holds Ministerial Handover Ceremony

Minister Nkulikiyinka Presents Rwanda’s Vision on Artificial Intelligence and the Future of Work at the 114th International Labour Conference

Labour Day 2026: Rwanda marks International Labour Day under the theme “Partnering for Skills, Powering Job Creation, and Fostering Local Economic Resilience.”

Minister Christine Nkulikiyinka Leads National Observance of World Day for Safety and Health at Work 2026