Minisitiri Rwanyindo yasabye ababaji barangije amahugurwa kubyaza umusaruro impamyabushobozi bahawe

Kuri uyu wa Kane tariki 18 Ukwakira 2018, Minisitiri w’Abakozi ba Leta n’Umurimo, Rwanyindo Kayirangwa Fanfan, yitabiriye umuhango wo gutanga impamyabushobozi ku banyamuryango 1,000 ba Sendika ya STECOMA barangije amahugurwa mu mwuga w’ububaji, umuhango wabereye muri IPRC Kigali.

Aya mahugurwa bayakoreye mu bice bitandukanye by’igihugu aho aba babaji basanzwe bakorera uwo mwuga, akaba yari agamije kubongerera ubumenyi mu mwuga wabo.

Habyalimana Evariste; Umunyamabanga Mukuru wa STECOMA, atangiza uyu muhango wo gutanga izi mpamyabushobozi, yabanje gushimira Minisitiri w’Abakozi ba Leta n’Umurimo kuba yaje kwifatanya nabo muri uwo muhango, yongera no kumushimira kuba Leta yaravuguruye Itegeko rigenga umurimo mu Rwanda ubu rikaba rireba n’abakora imirimo itanditse (Informal Sector).

Habyalimana yasabye ko Minisiteri yakwihutisha Amateka ashyira mu bikorwa iri Tegeko ry’umurimo kugira ngo ritangire gukurikizwa.

Ambasaderi w’Ubudage mu Rwanda, Dr. Peter Woeste, nawe yashimiye Minisiteri y’abakozi ba Leta n’umurimo ndetse na STECOMA kubera iki gikorwa cyo gutanga impamyabushobozi ku babaji, asaba ko ibikorwa nk’ibi byazakomeza.

Minisitiri Rwanyindo wari n’umushyitsi mukuru muri uyu muhango, yashimiye abahawe impamyabushobozi bose ndetse anashimira abafatanyabikorwa bagize uruhare kugira ngo icyo gikorwa kibe.

Minisitiri w’abakozi ba Leta n’umurimo yasabye ababaji bahawe impamyabushobozi kuzabyaza umusaruro ubumenyingiro bafite .

Yagize ati “Umwuga w’Ububaji ufite uruhare runini mu guteza imbere Ibikorerwa mu Rwanda (Made in Rwanda). Ibikorerwa mu Rwanda mugiramo uruhare bikomeje kugira uruhare mu guhanga imirimo. Mukomeze kunoza ibyo mukora kandi mushyire ingufu mu kubishakira amasoko haba imbere mu gihugu ndetse no mu mahanga.”

M rwego rwo kurushaho kwagura ibikorwa byabo no kwiteza imbere, Minisitiri Rwanyindo yasabye Ababaji kwitabira cyane Gahunda zashyizweho zigamije gufasha ba Rwiyemezamirimo bato b’Urubyiruko n’Abagore kubona igishoro binyuze mu kubunganira kubona ingwate kugeza kuri 75% binyuze muri BDF; kwegera Abajyanama mu Mishinga n’Ubucuruzi bashyizwe muri buri Murenge bakabafasha kubigira imishinga myiza bakora mu bikorwa by’ububaji no kuyicunga; no Gutinyuka kwegera no gukorana n’ibigo by’imari ndetse no kwishyira hamwe.

Minisitiri Rwanyindo yasoje kandi asaba abibumbiye muri STECOMA kuzirikana ubuzima n’umutekano ku kazi ndetse bubahiriza ibisabwa ngo birinde impanuka.

STECOMA ni Sendika y’ababaji, abubatsi n’abanyabukorikori igizwe n’abanyamuryango basaga 48,000 mu Gihugu hose.

Botswana Delegation Pays Courtesy Visit to MIFOTRA

Minister Judith Uwizeye receives Amy pope, the Director general of the international organization for migration.

MIFOTRA and NPSC Discuss measures to Strengthen Public Service Management

MIFOTRA Concludes SDEP Training to Strengthen Employment and Career Guidance Services

MIFOTRA Hosts Career Fair to Link Diaspora Youth with Employment and Skills Opportunities in Rwanda

Ministry of Public Service and Labour Holds Ministerial Handover Ceremony

Minister Nkulikiyinka Presents Rwanda’s Vision on Artificial Intelligence and the Future of Work at the 114th International Labour Conference

Labour Day 2026: Rwanda marks International Labour Day under the theme “Partnering for Skills, Powering Job Creation, and Fostering Local Economic Resilience.”

Minister Christine Nkulikiyinka Leads National Observance of World Day for Safety and Health at Work 2026